Paštovaja skrynka
Eduardu R. z Homiela. Usie kantakty ź inšym śvietam musili adbyvacca praz rasiejskuju movu, dyj ciapier heta nakidajecca. Tamu j nia mohuć kreolskija ŚMI abychodzicca biez rasiejskich cytataŭ, vieršaŭ, frazealohii. «Maskva ŭ televizary i hałavie». Za vonkavym kasmapalityzmam rasiejskamoŭnych vydańniaŭ — vyrazny dziaržzakaz. Za vonkavaj abmiežavanaściu bieł. vydańniaŭ — adkrytaść śvietu.
Anatolu M. ź Miensku. U Vašym apisańni atmasfery kancertu pahan-roku niama specyjaŭ, pra hrupy pišacie prykładna jak dla kamsamolskaj hazety, kab nidzie nikoha nie pakryŭdzić, a ŭsio z-za taho, što pra marhinalnaje ŭ muzycy vy pišacie z dapamohaju strukturaŭ i šablonaŭ, pavodle jakich pišuć pra papsu ci prestyžnyja rok-hrupy. Vychodzić biazdušna. A jano patrabuje siamiejnaha, indyvidualnaha pohladu!
Viktaru F. ź Miensku. Čakajem novych malunkaŭ. Adbirać lepšaje budziem i nadalej.
Janu ź Bieraścia. Heta kali nie krutnia, dyk dziciačyja hulni. Lepš pakul pačakajcie. Dałučajciesia da tych, kamu nielha nie daviarać.
Kamientary