«Duchachram» z Mastoŭ
Nievierahodnuju tvorčuju aktyŭnaść demanstruje sioleta prazaik Lavon Vaško. Na pačatku hodu jon vydaŭ pieršy numar post-madern-lit-almanachu «Maleńki sšytak Lavona Vaška». Nieŭzabavie vyjšli dva numary litahladu «Dziejačas», dzie apaviadaŭ pra svaje tvorčyja nabytki j plany. I voś dniami Lavon skončyŭ pracu nad elektronnaj viedamkaj «Duchachram».
«Duchachram» bieź pierabolšańnia možna nazvać novym biełaruskim elektronnym almanacham. U lipieńskim numary «Duchachramu» možna daviedacca pra žyćciapis prazaika i jaho tvorčyja dasiahnieńni, pra listavańnie mastoŭskaha piśmieńnika z prezydentam ZŠA Biłam Klintanam, pra źmiest «Maleńkaha sšytku» № 2, jaki nieŭzabavie pabačyć śviet. Značnaje miesca ŭ pieršym numary «Duchachramu» adviedziena losu paetki Niny Čarniejki: tutaka i recenzija na zbornik «Hramničnaja śviečka», i nizka vieršaŭ. Tut ža Vaško apaviadaje pra strašnuju chvarobu paetki, prosić usich, chto moža čymści dapamahčy, adhuknucca.
Viedamka razasłanaja elektronnaju poštaju ŭ šyroki suśviet: u redakcyi, tvorčyja sajuzy, fondy i na pryvatnyja elektronnyja adrasy. Atrymać «Duchachram» moža luby achvotny, dosyć źviarnucca z zamovaju na adras [email protected] i paviedamić, na jakoj movie vy chacieli b atrymlivać elektronny časopis. Voś takuju ŭ nas ciapier mastackuju samadziejnaść raźvivajuć paety i piśmieńniki.
Vasil Krokva
Kamientary