***
Piłarama analityčnaja.Tema vypusku — niavypusk Łukašenki ŭ Prahu.
Kaściam: A, paskudy! Kataliki! Pratestanty! Husity! Žydamasony! Amerykanskija padpiavały! Nu ničoha — budzie i na našaj vulicy 68-y hod!
Tykubovič: Supakojciesia, kaleha! Jak adznačyŭ Harant Kanstytucyi, kurs na zbližeńnie z Eŭropaj, pašyreńnie intehracyi z Rasiejaj i adnačasovaje ŭmacavańnie suverenitetu zastajecca niaźmiennym, niahledziačy na niepažadanyja dla sajuznaje dziaržavy dziejańni kiraŭnictva Rasiei, jakoje jašče nie zrazumieła, što nikudy ad nas nia dzieniecca.
Łabećka: Pravilnyja dziejańni! Nie płacili za haz — mierźnicie ciapier. Niama čaho mnie hrošy na kvitok da Maskvy źbirać.
Kaściam (z nadziejaj): Dyk ci sabrali choć?
Łabećka: Jakoje tam! Chapiła raz Chamakadzie patelefanavać.
Tykubovič: Pačytajem, pačytajem...
Łabećka: A ja maju infarmacyju z rasiejskich krynicaŭ, što Haranta nie puścili ŭ Čechiju, bo jon vioz u svaim samalocie čačenskuju siamju z saraka piaci bajevikoŭ.
Kaściam: Dy nie bajevikoŭ, a budaŭnikoŭ — dla ŭźviadzieńnia časovaha kampaktnaha bunkieru na terytoryi Prahi. Čechi ž sami skazali, što nia ŭ stanie zabiaśpiečyć nieabchodnyja achoŭnyja mierapryjemstvy. Astatnija dva samaloty “Biełavija” musili pieravozić miachi z cementam i armaturu.
Łabećka: Ekspertyza pakazała, što piloty, pabyŭšy la tych miachoŭ, ujavili siabie asami “Luftvafe” i šlacham prycelnaha bambardavańnia zacementavali niekalki hiektaraŭ voryva. Staršynia miascovaha kałhasu planuje pastavić tam taki...
Kaściam: A što ž jany tam dumali, na zahnivajučym Zachadzie, — nas možna nahami taptać? My tut staim apošnim słavianskim rubiažom, nie puskajučy da ich nielehalnuju kantrabandu narkotykaŭ i vijetnamcaŭ, a jany nam — “voś zła”? Ale niachaj viedajuć šyryniu našaje dušy! U tych miachach byŭ pakul što nie kakain i nie strychnin, paprostu siarod cementu pakłali kolki našułak z ładanam — dziela chutčejšaje pravasłavianizacyi zachodniaha śvietu.
Chtozik: Darečy, pra Ładena. Hladzicie, kab uschodni nie daviałosia słavianizavać. Apošniaja zajava Pucina pra abrazańnie była zroblenaja nia prosta tak: Rasieja ŭ chutkim časie prymie isłam.
Kaściam: Nu, tady trymajciesia, praklatyja imperyjalisty! Heta ž jakaja voś atrymajecca! My, Rasieja, Sadam, Nazarbajeŭ ź Nijazavym, a tam i Fidel z-za akijanu praciahnie brackuju ruku dapamohi. Ałah akbar!
Nieviadoma, da čaho našyja analityki dahavarylisia b, kali b nie pryjšoŭ faks z administracyi Haranta, zhodna ź jakim usie musili terminova źjavicca na subotnik, što pravodziŭsia ŭ ramkach miesiačniku naviadzieńnia paradku na ziamli.
Adździeł analityki
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec99
Kamientary