Pieršy “Boinh”... Telekankurencyja... Rovary na ekspart... “Makdonaldz” – stratny... “Siemens” sočyć za nadziejnaściu... Aŭtaparki Bieraściejščyny ŭzbujniajuć...
Pieršy “Boinh”
U krasaviku 2003 h. “Biełavija” zajmieje pieršy “Boinh-737/500”. Jon budzie lotać ź biełaruskaj stalicy ŭ 10 haradoŭ Eŭropy i ŭ Izrail (aeraport Tel-Aviŭ). Ciapier pierapadrychtoŭku prachodziać 5 ekipažaŭ i 25 ściuardesaŭ kampanii “Biełavija”. Ich užo vučyli davać rady “Boinhu” ŭ Mižnarodnym navučalnym centry palotaŭ u Kijevie, ciapier jany praciahnuć kurs u Amsterdamie i Prazie.
Telekankurencyja
Rasiejskija vytvorcy televizaraŭ (“Rubin”, “Sokał”, “Połar” dy “Rołsan”) aficyjna paskardzilisia premjeru Kaśjanavu na biełaruskich kankurentaŭ, jakija pradajuć svaju pradukcyju ŭ Rasiei z 25%-j źnižkaj. Na “Viciazi” j “Haryzoncie” kažuć, što rasiejcy paprostu imknucca vycisnuć z rynku dobrych vytvorcaŭ, ź jakimi nia mohuć kankuravać.
Rovary na ekspart
Mienskaje AT “Motaveła” raspačało stvareńnie sumiesnaha pradpryjemstva “Marbieła”, jakoje budzie vyrablać biełaruskija rovary va Ŭzbekistanie. Rovary, u asnoŭnym, pojduć na ekspart u Rasieju.
“Sibnafta” nabyła “Słaŭnaftu"
Kampanija “Sibnafta” nabyła z aŭkcyjonu i rasiejskuju častku “Słaŭnafty” — 74,95% akcyjaŭ, addaŭšy za ich 1,86 młrd. dalaraŭ. Niezdarma “Sibnafta” była adzinaj, jakaja prajaviła cikaŭnaść da biełaruskaha pakietu akcyjaŭ “Słaŭnafty” (10,83%), kupiŭšy jaho za 207 młn. dalaraŭ.
“Makdonaldz” – stratny
“Makdonaldz” upieršyniu za svaju historyju niasie straty. Jany składuć 5—6% na akcyju, bo abjomy prodažu ŭ restaracyjach skaracilisia za kastryčnik—listapad na 1,6%. Niepradadzienyja hamburhiery prymusili indeks Dow Jones źnizicca na 1,07%.
“Siemens” sočyć za nadziejnaściu
Kampanija “Siemens” mianiaje stratehiju harantyjnaha absłuhoŭvańnia mabilnych telefonaŭ. Pačynajučy z 16 śniežnia ŭsie mabiły “Siemens”, aficyjna impartavanyja ŭ Biełaruś, buduć supravadžacca numarnymi harantyjnymi talonami novaha ŭzoru. Biez takoha talonu harantyjnyja ramonty ažyćciaŭlacca nia buduć.
Aŭtaparki Bieraściejščyny ŭzbujniajuć
Na Bieraściejščynie pačali ŭzbujniać aŭtobusnyja parki. Nierentabelnyja dałučajuć da prybytkovych. Biaz strataŭ siońnia pracujuć tolki aŭtaparki Bieraścia, Baranavič dy Pinsku. Hetak, da apošniaha dałučyli aŭtapark Janava, jaki, majučy 23 aŭtobusy, vykarystoŭvaŭ tolki 4 ź ich. Jany chadzili pa 8—9 maršrutach.
“Sajuzny samalot” nie ŭźlacieŭ
12 studzienia pałata pradstaŭnikoŭ aficyjna “pachavała” biełaruska-rasiejskaje pahadnieńnie pra stvareńnie samalota ahulnaha pryznačeńnia, jakoje pryniali jašče ŭ 1994 h. Zamoŭcam ź biełaruskaha boku było Ministerstva transpartu j kamunikacyjaŭ, prajekt byŭ uklučany ŭ śpis dziaržaŭnych prahramaŭ. Rasiejski ŭrad samalot cikaviŭ mała, navat adpaviednaja dziaržaŭnaja prahrama nie była zaćvierdžanaja. Pavodle prajektu, baki mielisia ciaham 1994—2000 hadoŭ stvaryć samalot RBA-M-102B “Biełaruś”. Ale 54,68 młn. dalaraŭ na raspracoŭku, sertyfikacyju dy padrychtoŭku vytvorčaści samalota nie znajšli. Zamiest hetaj prahramy pastanavili raspačać inšuju — madernizavać samalot TU-134M.
“Źviazda” skaračajecca
Hazeta “Źviazda” źbirajecca skaracić štat svaich supracoŭnikaŭ na 10%. Vyklikana heta składanym finansavym stanoviščam. Z žniŭnia zarobki ŭ hazecie vypłačvajucca ź pierabojami. Adnoj z pryčynaŭ kryzysu stała dałučeńnie da vydańnia zusim stratnaje “Čyrvonaje źmieny”, što istotna pavialičyła vydatki hazety.
A.K., A.Š.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ13
Kamientary