Zajava Rady Sajuzu biełaruskich piśmieńnikaŭ
Jak stała viadoma z srodkaŭ masavaj infarmacyi, u Instytucie movaznaŭstva Akademii navuk padrychtavany prajekt źmienaŭ u pravapis biełaruskaj movy. Kamisija, jakuju ŭznačalvaje akademik Padłužny, biez šyrokaha abmierkavańnia maje namier unieści svaje prapanovy na zaćviardžeńnie ŭ adpaviednyja ŭradavyja struktury.
Adnak biełaruskaja mova — nia ŭłasnaść Instytutu movaznaŭstva, heta ahulnanacyjanalny skarb, i lubyja źmieny ŭ jaje žyvym arhaniźmie patrabujuć samaha šyrokaha abmierkavańnia. Jak my ličym, u im pavinny ŭziać udzieł nia tolki supracoŭniki Instytutu movaznaŭstva, ale j inšyja navukoŭcy-filolahi, školnyja nastaŭniki, vykładčyki VNU. Nie źbirajecca stajać ubaku i Sajuz biełaruskich piśmieńnikaŭ.
My nie padtrymlivajem tyja źmieny ŭ pravapis, jakija raspracoŭvajucca kuluarna, vuzkim kołam supracoŭnikaŭ Instytutu. Patrabujem, kab uznačalenaja Padłužnym A. kamisija zrabiła ŭsie nieabchodnyja zachady dla aznajamleńnia z svaimi prapanovami šyrokich kołaŭ zacikaŭlenaj hramadzkaści.
Miensk, Dom litaratara, 31 studzienia 2003 h.
Kamientary