PHD, prysiaha i dalej

PHD — parkava-haspadarčy dzień, nasamreč nia dzień, a cełyja dva. Parkavy pravodzicca ŭ piatnicu, haspadarčy — u subotu. U piatnicu z ranicy sałdaty kirujucca ŭ park, dzie zavichajucca la techniki dy prybirajuć terytoryju. Maładoje papaŭnieńnie na čas karantynu da pracy ŭ parku nie pryciahvajecca — kab paźbiehnuć niepažadanych kantaktaŭ sa starasłužačymi.

PHD — parkava-haspadarčy dzień, nasamreč nia dzień, a cełyja dva. Parkavy pravodzicca ŭ piatnicu, haspadarčy — u subotu. U piatnicu z ranicy sałdaty kirujucca ŭ park, dzie zavichajucca la techniki dy prybirajuć terytoryju. Maładoje papaŭnieńnie na čas karantynu da pracy ŭ parku nie pryciahvajecca — kab paźbiehnuć niepažadanych kantaktaŭ sa starasłužačymi.

Ale raboty i kala kazarmy zaŭsiody chopić — prybrać plac, navieści trasiroŭku — pierakapany i pasypany piaskom šnuročak ziamli ŭzdoŭž bardziuru šyrynioj u štych rydloŭki. Pieršaja subota ŭ vojsku zapomnicca hrandyjoznym marafetam u kazarmie — z vynasam mebli i škrabańniem padłohi škłom. Papiarednie padłohu ščodra zmočvajuć vadoj i namylvajuć. Da abiedu treba navieści blask va ŭsich pamiaškańniach, uklučna z trajnikom i navučalnymi klasami. Kali nie paśpiejecie da abiedu — praciahniecie paśla stałoŭki. Ź ciaham času navučyciesia ŭkładacca ŭ termin, kab zekanomić čas na televizar.

Kali ŭ čaści čakajecca vizyt vysokaha načalstva, to varta rychtavacca da taho, što PHD zaciahniecca nie na dzień i nie na dva. Mnie paščaściła, bo niahledziačy na toje, što na praciahu majoj słužby da nas naviedvalisia ministar abarony i kamandujučy suchaputnych vojskaŭ, padrychtoŭka da ich pryjezdu abychodziłasia biaź lišniaha fanatyzmu — prynamsi, nam nie daviałosia farbavać listočki na drevach.

Haspadarčy dzień zdarajecca nieabaviazkova ŭ aznačanyja dni. Byvajuć cełyja haspadarčyja tydni, kali ŭ pamiaškańniach kazarmy robicca niejki ramont ci prosta nieabchodna čymści zaniać sałdat — dla bolšaści kamandziraŭ vyhlad ničym nie azadačanaha sałdata jość nienaturalnym.

Pieršaje naviedańnie łaźni zrobić vam adkryćcio, što haračaja vada ŭ vojsku ŭsio ž jość, bo ŭ inšych vypadkach, akramia chiba jašče stałoŭki, jaje niama. Mycca štodzionna i zimoj, i letam davodzicca chałodnaj. Vialikija čaści majuć svaje łaźni, nam ža davodziłasia chadzić u haradzkuju. I pieršy pachod u łaźniu staŭsia da ŭsiaho pieršym vychadam u volny śviet. Pamyŭka tut adbyvajecca pa admysłovych narmatyvach: na raździavańnie-adziavańnie — stolki chvilin, na niepasredna myćcio — stolki. Mižvoli pačynaješ čakać dnia, kali budzieš mycca kolki chočaš. Jašče adna navina čakaje vas u łaźni: novaja bializna, akazvajecca, dajecca ŭ armii tolki dvojčy — pieršy raz, kali vas apranuć va ŭsio vajskovaje, i pierad prysiahaj. Ale nia varta bajacca nošanaj bializny, bo jana prachodzić admysłovuju apracoŭku. Sačyć treba tolki, kab atrymać spodniaje svajho pamieru.

Poŭny varyjant čytajcie ŭ papiarovaj i pdf-versii hazety "Naša Niva"

Pačatak u №6. Praciah budzie.

Siamion Piečanko

Kudy skardzicca sałdatu, kali jaho pravy parušanyja

Pryjomnaja ministra abarony

220034, Miensk, vuł.Kamunistyčnaja, 1, t.: 288-14-43

Biełaruski vajskovy sud

220034, Miensk, vuł.Azhura, 4, t.: 297-15-52

Biełaruskaja vajskovaja prakuratura

220034, Miensk, vuł.Azhura, 4, t.: 297-14-48

Mienskaja mižharnizonnaja vajskovaja prakuratura

220030, Miensk, vuł.Kiryły i Miafodzija, 6, t.: 227-46-12

Mienski mižharnizonny vajskovy sud

220030, Miensk, vuł.Kiryły i Miafodzija, 6, t.227-46-97

Psychalahičny telefon davieru Ministerstva abarony (dla Miensku),

t.: 297-29-14

Respublikanski kamitet Biełaruskaj arhanizacyi sałdackich maciarok

220029, Miensk, vuł.Čyčeryna, 19-404, t.: 239-46-85

• 0
• 0
• 0
• 0
• 0
• 0
• 0
• 0