Амерыканскі вытворца цішотак з «Пагоняй» цяпер робіць сувеніры з Лукашэнкам, КДБ і «Белоруссией» — фота
У асартыменце таксама выявы Мірскага замка, Марк Шагал і многае іншае.
Больш сувеніраў з беларускімі матывамі глядзіце тут.
Амерыканская стартап-кампанія Zazzle.com, якая некалькі год таму пачала вырабляць прадукцыю з беларускай нацыянальнай і афіцыйнай сімволікай, пашырыла свой беларускі асартымент.
Кампанія па-ранейшаму выпускае прадукцыю з «Пагоняй» і бел-чырвона-белым сцягам. Разам з тым, вырасла колькасць тэмаў: напрыклад, выявы Мірскага замка, Марка Шагала, назвы і гербы беларускіх гарадоў.
Значна вырасла і колькасць афіцыёзных матываў, некалькі разоў трапляецца слова «Белоруссия», а таксама кліентам прапануюцца цішоткі з сімволікай беларускага КДБ і выявамі Лукашэнкі з подпісамі «Маладзец» і «Ненавіснікі могуць ненавідзець».
Да палітычнай прадукцыі можна далучыць цішоткі з сімволікай Партыі БНФ.
Каментары