Пра гэта паведаміў дырэктар дэпартамента па геалогіі Міністэрства прыродных рэсурсаў і аховы навакольнага асяроддзя Уладзімір Варакса 4 красавіка напрэс-канферэнцыі ў Мінску.
Паводле яго слоў, летась быў заключаны канцэсійны дагавор тэрмінам на 10 гадоў з кампаніяй, зарэгістраванай у Швейцарыі, на выкананне работ па пошуку радовішчаў сланцавага газу. Зараз яна спрабуе прыцягнуць у Беларусь кампаніі, якія валодаюць спецыяльнымі тэхналогіямі па пошуку сланцавага газу.
Як паведаміў Варакса, яшчэ да заключэння канцэсійнага дагавора беларускія спецыялісты з прыцягненнем замежных калег ацанілі магчымасці здабываць у Беларусі сланцавы газ. Згодна з папярэдняй ацэнкай, «пэўныя перспектывы» ёсць.
Усяго для пошуку радовішчаў сланцавага газу выдзелена восем участкаў: пяць — у Прыпяцкім прагібе (Гомельская вобласць, а таксама частка Магілёўскай і Мінскай абласцей) і тры — у
Падляску-Брэсцкай упадзіне (Брэсцкая вобласць).
У сваю чаргу намеснік генеральнага дырэктара, галоўны геолаг па нафце і газе геолагаразведвальнага РУП «Белгеалогія» Яраслаў Грыбік зазначыў: інфармацыя аб магчымасці атрымання сланцавага газу назапашана за 20–30 гадоў бурэння нафтавых свідравін на тэрыторыі краіны. «Раней на іх не звярталі ўвагі, бо не было тэхналогій здабывання сланцавага газу», — растлумачыў Грыбік.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч23
Каментары