Pra heta paviedamiŭ dyrektar departamienta pa hieałohii Ministerstva pryrodnych resursaŭ i achovy navakolnaha asiarodździa Uładzimir Varaksa 4 krasavika napres-kanfierencyi ŭ Minsku.
Pavodle jaho słoŭ, letaś byŭ zaklučany kancesijny dahavor terminam na 10 hadoŭ z kampanijaj, zarehistravanaj u Šviejcaryi, na vykanańnie rabot pa pošuku radoviščaŭ słancavaha hazu. Zaraz jana sprabuje pryciahnuć u Biełaruś kampanii, jakija vałodajuć śpiecyjalnymi technałohijami pa pošuku słancavaha hazu.
Jak paviedamiŭ Varaksa, jašče da zaklučeńnia kancesijnaha dahavora biełaruskija śpiecyjalisty z pryciahnieńniem zamiežnych kaleh acanili mahčymaści zdabyvać u Biełarusi słancavy haz. Zhodna z papiaredniaj acenkaj, «peŭnyja pierśpiektyvy» jość.
Usiaho dla pošuku radoviščaŭ słancavaha hazu vydzielena vosiem učastkaŭ: piać — u Prypiackim prahibie (Homielskaja vobłaść, a taksama častka Mahiloŭskaj i Minskaj abłaściej) i try — u
Padlasku-Bresckaj upadzinie (Bresckaja vobłaść).
U svaju čarhu namieśnik hienieralnaha dyrektara, hałoŭny hieołah pa nafcie i hazie hieołaharaźviedvalnaha RUP «Biełhieałohija» Jarasłaŭ Hrybik zaznačyŭ: infarmacyja ab mahčymaści atrymańnia słancavaha hazu nazapašana za 20–30 hadoŭ bureńnia naftavych śvidravin na terytoryi krainy. «Raniej na ich nie źviartali ŭvahi, bo nie było technałohij zdabyvańnia słancavaha hazu», — rastłumačyŭ Hrybik.
Kamientary