Скончана расследаванне жорсткага забойства.
Труп Алесі знайшоў вартаўнік каля 6.30 раніцы 29 жніўня 2013 каля рэчыцкага Дома творчасці моладзі. На целе забітай эксперты выявілі шматлікія пашкоджанні, у тым ліку сляды ад удараў. У той жа дзень быў затрыманы 19-гадовы раней неаднаразова судзімы мясцовы жыхар.
Забітая Алеся працавала ў рэстаране «Палессе» кандытарам. У тую ноч яна вярталася з дня нараджэння. Правесці яе ўзяўся знаёмы хлопец. Яна была з вёскі Крынкі каля Рэчыцы, дзе жывуць бацькі.
Цяпер следчыя скончылі расследаванне, хлопец знаёміцца з матэрыяламі справы. Ён абвінавачваецца ў забойстве з асаблівай жорсткасцю, злосным хуліганстве, крадзяжы, наўмысным нанясенні цяжкага цялеснага пашкоджання, рабунку, дзеяннях сэксуальнага характару. Аказалася, што ён быў нападпітку і пад наркатой, калі праводзіў Алесю.
«Абвінавачаны з мэтай задавальнення сваёй палавой жарсці з садысцкіх схільнасцяў пачаў наносіць шматлікія ўдары па целу дзяўчыны, пасля чаго насуперак яе волі здзейсніў у адносінах да яе іншыя дзеянні сэксуальнага характару»,
— паведамілі ў Следчым камітэце. І працягваў біць дзяўчыну: пашкоджанні сталі прычынай смерці. Пасля гэтага ён скраў яе рэчы.
Падчас расследавання было праведзена больш за 40 экспертыз. Следчыя таксама выявілі факты іншых злачынстваў, якія абвінавачаны здзейсніў з іншымі асобамі. Знаходзіцца пад вартай.
Каментары