Рух транспарту ў раёне плошчы Перамогі ў Мінску сёння вечарам будзе часова закрыты.
У сувязі з правядзеннем на плошчы Перамогі ўрачыстых мерапрыемстваў, прысвечаных святкаванню Дня Незалежнасці і 70-годдзя вызвалення Беларусі ад нямецка-фашысцкіх захопнікаў [мяркуецца ўдзел Пуціна], сёння з 18.00 да 21.00 будзе закрыты рух усіх відаў транспарту па праспекце Незалежнасці на ўчастку ад вуліцы Казлова да вуліцы Купалы, а таксама на вуліцах Кісялёва і Захарава ў напрамку плошчы Перамогі. Гэты ўчастак можна будзе аб'ехаць праз вуліцы Першамайская і М.Багдановіча.
Акрамя таго, будзе забаронена паркоўка транспарту на мясцовым праездзе праспекта Незалежнасці ад дома 1-га з'езда РСДРП да вуліцы Кісялёва; па вуліцы Кісялёва ад плошчы Перамогі да вуліцы Чырвонай.
Нельга будзе пакінуць машыну і на мясцовым праездзе праспекта Незалежнасці ад вуліцы Захарава да вуліцы Фрунзэ і па вуліцы Фрунзэ да вуліцы Першамайскай. ДАІ рэкамендуе ўлічваць гэту інфармацыю пры выбары маршруту руху.
Каментары