Брытанская газета The Guardian запусціла новы спецыяльны праект у раздзеле «Бізнес» на сваім сайце, які прысвечаны падзенню расійскай валюты.
«Мы сабралі тут усё тэрміновыя дзелавыя навіны пра падзенне расійскай валюты на фоне зніжэння цэнаў на нафту», — гаворыцца на старонцы анлайн-трансляцыі.
Блог пра рубель пастаянна абнаўляецца. У ім прыводзяцца цытаты як прадстаўнікоў расійскіх уладаў, так і фінансавых аналітыкаў. Акрамя гэтага ў ім сабраныя твіты, фатаграфіі, графікі.
Адна з апошніх навін, напрыклад, прысвечана магчымай сённяшняй інтэрвенцыі Цэнтральнага банка Расіі, пасля якой спынілася імклівае падзенне расійскай валюты.
Каментары