Пасольства Польшчы ў Беларусі з 29 студзеня 2015 года ўводзіць біяметрычныя візы
Пра гэта паведаміла прэс-сакратар пасольства Польшчы ў Мінску Ганна Дзерска.
Згодна з новымі правіламі, для атрымання шэнгенскай візы неабходна будзе здаць адбіткі пальцаў з абедзвюх рук.
«Здаваць адбіткі пальцаў кожны раз пры падачы дакументаў не трэба будзе. Яны будуць здымацца адзін раз у 59 месяцаў», — растлумачыла Ганна Дзерска.
Прэс-сакратар пасольства таксама звярнула ўвагу, што з увядзеннем біяметрычных віз жадаючыя атрымаць шэнген павінны будуць з'явіцца ў пасольства асабіста.
«Кожны павінен будзе асабіста здаць адбіткі пальцаў у консульскім аддзеле. Пры гэтым не важна, ці здаюцца дакументы праз турфірму або самастойна».
У дзяцей ва ўзросце да 12 гадоў адбіткі пальцаў здымацца не будуць.
Акрамя таго, цяпер прапрацоўваецца пытанне аб адкрыцці ў 2015 годзе ў Беларусі польскіх візавых цэнтраў. Ганна Дзерска адзначыла, што самая актуальная інфармацыя адносна працэсу выдачы віз будзе прадстаўлена на сайце пасольства Польшчы ў Беларусі.
-
Брытанія 25 гадоў не можа дэпартаваць беларуса — той хлусіць беларускім уладам, што ён не свой. І яны не забіраюць яго дадому
-
Вывучыў восем моваў, ажаніўся і стаў доктарам у Барысаве — гісторыя медыка з Туркменістана
-
Міністр абароны Літвы пра ліст Зяленскага: Наіўна чакаць, што Пуцін проста возьме і адступіць
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары