Дзе радыя смеццю: эка-актывісты пашырылі «зялёную» карту Беларусі
На карце Greenmap.by можна знайсці, куды здаць скарыстаныя батарэйкі ці непатрэбныя кніжкі, распавядае Generation.by.
Рэсурс Greenmap.by з’явіўся як адказ на самыя папулярныя запыты да інфацэнтру па пытаннях утылізацыі адходаў і хімічнай бяспекі Цэнтру экалагічных рашэнняў у Мінску і запаўняецца сіламі каля 20 валанцёраў ды наведнікамі рэсурса.
Прыкладна на Новы год на карце з’явіўся Маладзечна, ужо 18-ты горад, для якога пазначаныя пункты прыёму шкла, паперы, месцы, куды можна адвезці старую непрыдатную мэблю, здаць ртутныя лямпы і батарэйкі, аўтапакрышкі і акумулятары і іншае.
У планах новыя пласты карты: крыніцы аднаўляльнай энергіі, якія ёсць у раёнах (сонечныя панэлі і ветракі), карта экалагічных арганізацый. Някепска было б нанесці ўсё, што тычыцца ровараў (крамы, майстэрні, велааптэчкі) і экатавараў (арганічныя фермы і вегетарыянскую інфраструктуру, каб было прасцей жыць у свеце шашлыка і кіўбасы).
Карту можна праглядзець па адрасе greenmap.by/map.html. Дадаць новыя кропкі можна самастойна як з настольнага камп’ютара, так і праз праграмы для iOS ды Android. Звязацца з аўтарамі праекту можна праз [email protected] альбо патэлефанаваць кіраўніцы Марыі Сума на нумар +375295596119.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай45
Каментары