Як на тэлеканале «Россія» ў Дзень роднай мовы Лукашэнку парадзіравалі
22 лютага ў Беларусі працягвалі святкаваць Дзень роднай мовы.
У другой палове дня па галоўным тэлеканале Расіі пусцілі музычна-забаўляльную перадачу «Адзін у адзін». Гваздамі перадачы сталі спевы Аляксандра Рыбака і Руслана Аляхно. Пераможца Еўрабачання Рыбак выступаў у вобразе расійскага тро-ло-ло — Эдуарда Хіля.
А Руслан Аляхно выйшаў адразу пасьля вобраза Хіля ў вобразе Рыбака са скрыпкай ды праспяваў ягоны пераможны еўра спеў.
Журы Рыбака і Аляхно вельмі хвалілі. А вядомы ў Расіі муж Пугачовай Максім Галкін жартаваў на беларускую тэму. Узнікла караценькае абмеркаванне моўнай спецыфікі, і Галкін раптам заявіў: «Белорусский этнолект русского языка характеризуется тем, что в нем произносят «дз» вместо «д». І тут жа Галкін спарадзіраваў Лукашэнку, акцэнтуючы на гэтых «дз». Усе рагаталі з пародыі, з Лукашэнкі, з роднай мовы.
Перадача ішла ў запісе, і ў ім наваспечанаму беларусазнаўцу Рыбак і Аляхно нічога не адказалі.
А я ўпершыню не смяяўся з пародыі на Лукашэнку. Бо гэта была таксама пародыя з роднай мовы, якую пераапранулі ў прэзідэнцкую вопратку.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары