Прэм'ер міністр Грэцыі Алексіс Цыпрас і прэзідэнт Расіі Уладзімір Пуцін знайшлі спосаб пераадолець цяжкасці ў гандлі паміж краінамі.
«Учора (8 красавіка) мы абмяркоўвалі меры па ўмацаванні грэчаскага экспарту ў Расію. Мы знайшлі спосаб пераадолець складанасці ў гэтай сферы», — распавёў Цыпрас, выступаючы на лекцыі ў МГІМО.
Прэм'ер-міністр таксама дадаў, што краіны пачалі перамовы аб прыватызацыі грэчаскіх кампаній. Для гэтага, па словах Цыпраса, будзе створана спецыяльнае таварыства.
Таксама Цыпрас заявіў студэнтам, што Грэцыя застаецца ў еўразоне.
«Мэта нашага ўрада — каб Грэцыя засталася ў еўразоне, мы шукаем агульнаеўрапейскае вырашэнне гэтай задачы», - заявіў прэм'ер.
Ён таксама адзначыў, што знешняя палітыка Грэцыі ў найбліжэйшай будучыні паўплывае на рашэнне фінансавых праблем краіны.
Таксама паведамляецца, што краіна пералічыла чарговы транш МВФ — 450 млн еўра.
8 красавіка на сустрэчы з прэм'ер-міністрам Грэцыі Уладзімір Пуцін заявіў, што найлепшы спосаб вырашыць праблемы узаемных абмежаванняў краін — гэта спыненне санкцыйных войнаў.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны21
Каментары