Міністр абароны Украіны распавёў аб значным умацаванні баяздольнасці ўзброеных сіл
«На працягу 5 месяцаў бягучага года сфармаваныя дадаткова: 2 механізаваныя, 4 мотапяхотныя, 3 артылерыйскія брыгады, аэрамабільная брыгада, брыгада армейскай авіяцыі, 37 мотапяхотных батальёнаў, што значна ўзмацніла баявую здольнасць войскаў», — заявіў міністр абароны Украіны Сцяпан Палтарак ў ходзе пасяджэння калегіі міністэрства абароны 6 мая.
Сведчаннем якаснай работы ў гэтым напрамку сталі «выразныя, правільныя, пісьменныя дзеянні» у раёне Мар'інкі, дзе ўкраінскія войскі паспяхова адбілі спробу наступу праціўніка, нанёсшы яму вялікія страты, сказаў міністр.
Асобна Палтарак адзначыў ўкараненне новых стандартаў падрыхтоўкі войскаў і органаў кіравання на ўсіх узроўнях, з улікам вопыту АТА.
Міністр таксама паведаміў, што «за апошні час» у войскі была пастаўленая па абарончых кантрактах каля тысячы адзінак ўзбраення і ваеннай тэхнікі і 260 тыс. боепрыпасаў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары