Сябры зрабілі сэрыю малюнкаў пра Андрэя Кіма, які цяпер сядзіць у СІЗА на Валадарцы ў чаканьні суда.
«Мы вырашылі не абмяжоўвацца звычайным фарматам акцыяў, каб вызваліць Андрэя, ‑‑ кажа яго сябра Андрэй Мінскевіч. ‑‑ Была дзейнасьць наконт прызнаньня Кіма вязьнем сумленьня, юрыдычная дапамога, пікеты, графіці… Не хапала чагосьці яскравага».
Мастак, неабыякавы да палітвязьняў Беларусі, знайшоўся ў Маскве. Ідэі для малюнкаў агульныя.
«У коміксах мы абыгрываем некаторыя асабістыя рысы Андрэя, тое, чым ён займаўся на свабодзе, дзе ён зараз. Навошта мы гэта робім? Каб прыцягнуць увагу да Андрэя Кіма, распавесьці людзям, хто цяпер сядзіць на Валадарцы. Бо Андрэй не хуліган, а пазытыўны чалавек»,‑ кажа Валянціна Чубарава, сяброўка А. Кіма.
Нагадаем, што крымінальная справа на Андрэя Кіма была заведзеная паводле арт. 364 КК РБ («гвалт, альбо пагроза гвалту ў адносінах да работніка міліцыі»). Нібыта Андрэй Кім падчас мітынгу прадпрымальнікаў 21 студзеня ўдарыў супрацоўніка ДАІ кулаком у твар і расьсек таму брыво да крыві. Андрэю Кіму пагражае да шасьці гадоў пазбаўленьня волі.
Андрэй азнаёміўся з матэрыяламі справы, і неўзабаве яна будзе перададзена ў суд.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары