Грамадзянін РФ Віктар Шур прызнаны вінаватым у дзяржздрадзе і прысуджаны да 12 гадоў пазбаўлення волі ў калоніі строгага рэжыму за шпіянаж на карысць Украіны. Такое рашэнне вынес Бранскі абласны суд.
Шур прызнаны вінаватым у тым, што 9 снежня 2014 г. ажыццяўляў разведвальную дзейнасць у Бранскай вобласці па заданні Дзяржаўнай памежнай службы Украіны. Ён сабраў звесткі пра рэжымным аб'екце Мінабароны РФ, аднак не паспеў перадаць іх Украіне, паведаміла прэс-служба Бранскага абласнога суда.
У гэты ж дзень, гаворыцца ў паведамленні, Шур быў затрыманы супрацоўнікамі ФСБ РФ пры перасячэнні расійска-ўкраінскай мяжы.
Працэс над Віктарам Шурам праходзіў у закрытым рэжыме, бо справа мела грыф «сакрэтна».
Адбываць 12-гадовы тэрмін Шуру трэба будзе ў калоніі строгага рэжыму. Прысуд пакуль не ўступіў у сілу і можа быць абскарджаны на працягу 10 дзён.
Каментары