Ва ўсёй Польшчы апазіцыя пратэставала супраць спробы PiS-а ўзяць пад кантроль Канстытуцыйны суд
Па ўсёй Польшчы прайшлі мітынгі і пікеты ў абарону дэмакратыі, якой, на думку арганізатараў — Камітэта ў абарону дэмакратыі — пагражаюць дзеяньні цяперашніх уладаў.
«Незалежнасьць Канстытуцыйнаму Суду!» — скандавалі каля будынка Сойма ў Варшаве некалькі тысяч чалавек. На думку ўдзельнікаў дэманстрацый, партыя «Права і справядлівасьць», якая мае большасьць у парлямэнце спрабуе абмежаваць паўнамоцтвы Суда для таго, каб мець магчымасьць кіраваць краінай без усялякіх абмежаваньняў.
«Дэмакратыя гэта як паветра, а ў нас хочуць яе зараз забраць. Хутка пачнём задыхацца. Адна, дзьве ці тры дэманстрацыі не зьменяць палітыку кіруючай партыі. Таму трэба вытрымаць даўжэй», — сказала на мітынгу ў Варшаве польская рэжысёрка Агнешка Холанд.
Пікеты і мітынгі прайшлі больш чым у 20 гарадах Польшчы, а таксама ў ЗША, Бэльгіі, Японіі, Нямеччыне, Вялікабрытаніі, Партугаліі.
Удзельнікі акцый пратэсту, а таксама большасьць апазыцыйных палітыкаў лічаць, што «Права і справядлівасьць» блякуе працу Канстытуцыйнага суду, не згаджаючыся прывесьці да прысягі судзьдзяў, выбраных папярэднім парлямэнтам.
У сваю чаргу кіруючая партыя сьцьвярджае, што яны былі абраныя з парушэньнем закона і таму парлямэнт новага скліканьня выбраў новых судзьдзяў, якіх, у сваю чаргу, да працы не дапускае дзейны старшыня Канстытуцыйнага суду.
Ніводзін з бакоў ня мае намеру саступаць, прапаноўваючы сваю трактоўку нормаў Канстытуцыі адносна сытуацыі, якая склалася, таму часьцей за ўсё сытуацыю вакол Канстытуцыйнага суду ў Польшчы на сёньняшні дзень называюць патавай.
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
-
Кітай абвясціў пра спецыяльную ваенна-марскую аперацыю паблізу Тайваня
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай8
Каментары