Зіма скончыцца адносна камфортна, а каляндарная вясна пачнецца са складаных умоваў надвор'я
Да канца лютага захаваецца спакойнае і цёплае надвор'е. Сярэдняя тэмпература паветра чакаецца на 4—6 градусаў вышэй за норму, такое надвор'е характэрная для канца сакавіка.
Пра гэта распавёў начальнік службы гідраметэаралагічных прагнозаў Рэспубліканскага гідраметцэнтра Дзмітрый Рабаў.
У выходныя надвор'е ў краіне ў асноўным будзе вызначаць вобласць павышанага атмасфернага ціску, на фоне якога будуць праходзіць малаактыўныя атмасферныя франты.
У суботу будзе пераважна без ападкаў, толькі ноччу па ўсходзе невялікі снег. У начныя і ранішнія гадзіны месцамі слабы туман, на асобных участках дарог галалёдзіца. Тэмпература ноччу -1 -7°С, днём 0, + 6°С.
У нядзелю, 28 лютага, ноччу пераважна без ападкаў, днём на большай частцы тэрыторыі кароткачасовы мокры снег, па паўднёвым захадзе краіны з дажджом. Месцамі туман, слабы галалёд, на дарогах галалёдзіца. Тэмпература ноччу -2 —7°С, па ўсходзе месцамі да -10°С, днём 0 — + 5°С.
У сталіцы будзе воблачна з праясненнямі. У начныя і ранішнія гадзіны слабы туман, на асобных участках дарог галалёдзіца. Вецер заходні 3-8 м/с. Тэмпература ўначы ў суботу -2 -4, днём +2 — +4. У нядзелю тэмпература ноччу -4 — -6, днём +1 —+3.
У панядзелак тэрыторыя Беларусі будзе знаходзіцца пад уплывам вобласці паніжанага атмасфернага ціску і франтальнага падзелу, які перамяшчаецца з паўднёвага захаду Еўропы. На большай частцы тэрыторыі будзе ісці мокры снег, днём па паўднёвым захадзе з дажджом. Месцамі туман, галалёд, на дарогах галалёдзіца. Тэмпература ўначы -5 — + 2°С, днём 0 — +6°С.
Каляндарная вясна пачнецца з непагадзі — паўднёвы цыклон прынясе ў нашу краіну складаныя ўмовы надвор'я.
Будуць ісці працяглыя ападкі — мокры снег і дождж. Месцамі наліпанне мокрага снегу, галалёдзіца.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны36
Каментары