Zima skončycca adnosna kamfortna, a kalandarnaja viasna pačniecca sa składanych umovaŭ nadvorja
Da kanca lutaha zachavajecca spakojnaje i ciopłaje nadvorje. Siaredniaja tempieratura pavietra čakajecca na 4—6 hradusaŭ vyšej za normu, takoje nadvorje charakternaja dla kanca sakavika.
Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U vychodnyja nadvorje ŭ krainie ŭ asnoŭnym budzie vyznačać vobłaść pavyšanaha atmaśfiernaha cisku, na fonie jakoha buduć prachodzić małaaktyŭnyja atmaśfiernyja franty.
U subotu budzie pieravažna biez apadkaŭ, tolki nočču pa ŭschodzie nievialiki śnieh. U načnyja i ranišnija hadziny miescami słaby tuman, na asobnych učastkach daroh hałalodzica. Tempieratura nočču -1 -7°S, dniom 0, + 6°S.
U niadzielu, 28 lutaha, nočču pieravažna biez apadkaŭ, dniom na bolšaj častcy terytoryi karotkačasovy mokry śnieh, pa paŭdniovym zachadzie krainy z daždžom. Miescami tuman, słaby hałalod, na darohach hałalodzica. Tempieratura nočču -2 —7°S, pa ŭschodzie miescami da -10°S, dniom 0 — + 5°S.
U stalicy budzie vobłačna z prajaśnieńniami. U načnyja i ranišnija hadziny słaby tuman, na asobnych učastkach daroh hałalodzica. Viecier zachodni 3-8 m/s. Tempieratura ŭnačy ŭ subotu -2 -4, dniom +2 — +4. U niadzielu tempieratura nočču -4 — -6, dniom +1 —+3.
U paniadziełak terytoryja Biełarusi budzie znachodzicca pad upłyvam vobłaści panižanaha atmaśfiernaha cisku i frantalnaha padziełu, jaki pieramiaščajecca z paŭdniovaha zachadu Jeŭropy. Na bolšaj častcy terytoryi budzie iści mokry śnieh, dniom pa paŭdniovym zachadzie z daždžom. Miescami tuman, hałalod, na darohach hałalodzica. Tempieratura ŭnačy -5 — + 2°S, dniom 0 — +6°S.
Kalandarnaja viasna pačniecca ź niepahadzi — paŭdniovy cykłon pryniasie ŭ našu krainu składanyja ŭmovy nadvorja.
Buduć iści praciahłyja apadki — mokry śnieh i doždž. Miescami nalipańnie mokraha śniehu, hałalodzica.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk45
Kamientary