«Мала хто хоча здаваць грошы, але працаваць усе хочуць». Жыхароў Мсціслава папярэдзілі пра збор сродкаў з іх заробкаў на «Дажынкі».
Такая абвестка вісіць на ўваходзе ў кантору ДЭУ №79 у Мсціславе, сцвярджае чытач партала horki.info.
«У сувязі з правядзеннем 24 верасня 2016 года абласнога фестывалю-кірмашу працаўнікоў вёскі «Дажынкі-2016», ажыццяўляецца збор грашовых сродкаў сярод работнікаў ДЭУ №79, шляхам утрымання з заработнай платы за люты месяц 2016, згодна з заявай, на аднаўленне гісторыка-архітэктурных помнікаў горада Мсціслава. Па гэтым пытанні звяртацца ў аддзел кадраў. Адміністрацыя, прафсаюзны камітэт ДЭУ №79».
«Ніхто не хоча пісаць гэтую заяву і аддаваць грошы камусьці, але, я думаю, прыйдзецца — працаваць усе хочуць», — пракаментаваў сітуацыю аўтар здымка.
Такі збор сродкаў вядзецца не толькі на гэтым прадпрыемстве, але і на іншых, сцвярджае чытач.
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі23
Каментары