Кіраўнік Берасьцейскай вобласьці паскардзіўся свайму прэзыдэнту, што яго дачка сутыкнулася зь «няправільнымі» правіламі расейскай мовы, паводле якіх трэба пісаць «раненый солдат», але «раненный в плечо солдат». Маўляў, гэта ж абы што – і ўсё гэта вынік... школьнае рэформы. Піша Лявон Баршчэўскі.
Піша Лявон Баршчэўскі.
На адным з сайтаў прачытаў апісаньне таго, як атачэньне сп. Лукашэнкі вяло дыскусію пра рэфармаваньне сярэдняй школы. Кіраўнік Берасьцейскай вобласьці паскардзіўся свайму прэзыдэнту, што яго дачка сутыкнулася зь «няправільнымі» правіламі расейскай мовы, паводле якіх трэба пісаць «раненый солдат», але «раненный в плечо солдат». Маўляў, гэта ж абы што – і ўсё гэта вынік... школьнае рэформы. Ну, беларускую мову «палата дэпутатаў» ужо амаль адрэфармавала – цяпер, насуперак маскоўскім прыдумкам, трэба заняцца расейскай!
Калісьці, калі напалову «ў цёмную», без належнае экспэртнае ацэнкі міністэрства адукацыі (яшчэ за міністрам Брыгадзіным) уводзіла праграмы й падручнікі для 12-гадовай школы, я выступіў з адпаведным артыкулам у «Народнай волі». Тады яшчэ легальна існаваў Ліцэй, можна было на ўласным досьведзе паказваць, што рэформа дзеля рэформы, без належнае падрыхтоўкі ня ўдасца. Сёньня сам Галоўны загаварыў пра яе хібы – і намякнуў на мажлівасьць... павароту назад. Вось так, пасьля ўбуханых мільярдаў на стварэньне новых праграмаў, падручнікаў, сыстэмаў ацэнкі ведаў, урэшце на перападрыхтоўку мноства настаўнікаў цяпер, відаць, спатрэбяцца новыя мільярда на новае «адкручваньне назад» (проста так вярнуцца да старога ўжо немагчыма). Між іншага, у апошнія гады зь міністэрства й Інстытуту адукацыі адышла бальшыня тых спэцыялістаў, якія яшчэ маглі неяк выпраўляць становішча...
Зрэшты, Беларускі Ліцэй і тым разам выстаяў, не паддаўся, і нічога яму, калі што, адкручваць назад не давядзецца. Бо ён ня кідаўся й наперад – як той вершнік на фанэрны танк. А астатніх бацькоў і дзяцей застаецца толькі шкадаваць, бо куды чарговы раз завядуць іх высокія дзяржаўныя мужы – можна толькі здагадвацца...
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары