Kiraŭnik Bieraściejskaj vobłaści paskardziŭsia svajmu prezydentu, što jaho dačka sutyknułasia ź «niapravilnymi» praviłami rasiejskaj movy, pavodle jakich treba pisać «ranienyj sołdat», ale «raniennyj v plečo sołdat». Maŭlaŭ, heta ž aby što – i ŭsio heta vynik... školnaje reformy. Piša Lavon Barščeŭski.
Piša Lavon Barščeŭski.
Na adnym z sajtaŭ pračytaŭ apisańnie taho, jak atačeńnie sp. Łukašenki viało dyskusiju pra refarmavańnie siaredniaj škoły. Kiraŭnik Bieraściejskaj vobłaści paskardziŭsia svajmu prezydentu, što jaho dačka sutyknułasia ź «niapravilnymi» praviłami rasiejskaj movy, pavodle jakich treba pisać «ranienyj sołdat», ale «raniennyj v plečo sołdat». Maŭlaŭ, heta ž aby što – i ŭsio heta vynik... školnaje reformy. Nu, biełaruskuju movu «pałata deputataŭ» užo amal adrefarmavała – ciapier, nasupierak maskoŭskim prydumkam, treba zaniacca rasiejskaj!
Kaliści, kali napałovu «ŭ ciomnuju», biez naležnaje ekspertnaje acenki ministerstva adukacyi (jašče za ministram Bryhadzinym) uvodziła prahramy j padručniki dla 12-hadovaj škoły, ja vystupiŭ z adpaviednym artykułam u «Narodnaj voli». Tady jašče lehalna isnavaŭ Licej, možna było na ŭłasnym dośviedzie pakazvać, što reforma dziela reformy, biez naležnaje padrychtoŭki nia ŭdasca. Siońnia sam Hałoŭny zahavaryŭ pra jaje chiby – i namiaknuŭ na mažlivaść... pavarotu nazad. Voś tak, paśla ŭbuchanych miljardaŭ na stvareńnie novych prahramaŭ, padručnikaŭ, systemaŭ acenki viedaŭ, urešcie na pierapadrychtoŭku mnostva nastaŭnikaŭ ciapier, vidać, spatrebiacca novyja miljarda na novaje «adkručvańnie nazad» (prosta tak viarnucca da staroha ŭžo niemahčyma). Miž inšaha, u apošnija hady ź ministerstva j Instytutu adukacyi adyšła balšynia tych specyjalistaŭ, jakija jašče mahli niejak vypraŭlać stanovišča...
Zrešty, Biełaruski Licej i tym razam vystajaŭ, nie paddaŭsia, i ničoha jamu, kali što, adkručvać nazad nie daviadziecca. Bo jon nia kidaŭsia j napierad – jak toj vieršnik na fanerny tank. A astatnich baćkoŭ i dziaciej zastajecca tolki škadavać, bo kudy čarhovy raz zaviaduć ich vysokija dziaržaŭnyja mužy – možna tolki zdahadvacca...
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary