Асноўная доля ўсіх парушэнняў закона ў Расіі прыпадае на парушэнне канстытуцыйных правоў і свабод грамадзян, паведаміў прэзідэнт Расіі Уладзімір Пуцін.
«Менавіта на гэтую сферу прыпадае штогод звыш за 60% усіх парушэнняў закона», — цытуе Інтэрфаксвыступ Пуціна на калегіі генпракуратуры ў сераду.
«Органамі пракуратуры ў 2015 годзе было выяўлена 3,2 млн парушэнняў правоў і свабод грамадзян», — адзначыў ён.
Пуцін таксама асабліва адзначыў неабходнасць забяспечыць захаванне правоў зняволеных.
«Разам з калегамі з ФСВП, а таксама прадстаўнікамі праваабарончых арганізацый пракуроры абавязаныя асабіста сачыць за ўмовамі, у якіх аказваюцца людзі, пазбаўленыя свабоды, і дамагацца, каб там дзейнічалі сучасныя стандарты ўтрымання і медыцынскага забеспячэння», — заявіў ён.
У мінулым месяцы расейскі Вярхоўны суд заявіў, што колькасць скаргаў, пададзеных супраць Расіі ў Еўрапейскі суд па правах чалавека (ЕСПЧ), з 2013-га года скарацілася ў два разы.
Па словах старшыні Вярхоўнага суда Вячаслава Лебедзева, колькасць зваротаў знізілася з 12 тысяч да амаль 6 тысяч.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай51
Каментары