Трое беларусаў знаходзіліся ля стойкі рэгістрацыі, калі прагрымеў выбух у аэрапорце Бруселя. Пра гэта паведамляе тэлеканал АНТса спасылкай на пасольства Беларусі ў Бельгіі.
«Гэтая сям'я пастаянна пражывае ў Бельгіі і збіралася ляцець у ЗША. Яны самі пакінулі будынак аэрапорта і пазней звярнуліся па медыцынскую дапамогу ў адну з клінік Бруселя», — прагучала ў эфіры.
Паводле дадзеных першага сакратара па консульскіх пытаннях пасольства Беларусі ў Бельгіі Рыгора Аксёнава, 22 сакавіка ў адну з клінік Бруселя звярнуліся трое грамадзян Беларусі. «Гэта сям'я, якая асабіста прыйшла на медыцынскае абследаванне. У бацькоў дыягнаставаная баратраўма вуха. У дзіцяці — парэз мяккіх тканін. У выніку бацькам прызначаны курс лячэння. Дзіцяці накладзенае шво. Ім прапанаванае паўторнае абследаванне праз дзесяць дзён», — удакладніў ён.
Паводле інфармацыі, агучанай тэлеканалам, трое грамадзян Беларусі былі застрахаваныя. «Страхавы поліс пакрые ўсе іх фінансавыя выдаткі. Падчас выбуху ў аэрапорце грамадзяне Беларусі знаходзіліся побач са стойкай рэгістрацыі на вылет. На бягучы момант іх здароўю нічога не пагражае. Цяпер яны знаходзяцца ў сябе дома», — адзначалася ў эфіры.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары