Швецыя стала першай у свеце краінай, у якой ёсць свой уласны тэлефонны нумар. Цяпер любы чалавек за межамі краіны можа патэлефанаваць па нумары +46771793336, пагаварыць з выпадковым шведам і распытаць яго пра ўсё што заўгодна.
У акцыі ўдзельнічаюць толькі шведы, якія запампавалі спецыяльную праграму. Званок пераадрасоўваецца ўдзельнікам праграмы, пакуль хто-небудзь з іх не адкажа.
Намеснік галоўнага рэдактара «Медузы» Аляксандр Паліванаў патэлефанаваў па нумары Швецыі, і яго звязалі з Даніэлем, які жыве ў Карлстадзе, невялікім горадзе ў цэнтральнай частцы Швецыі. Даніэль распавёў, што з моманту ўстаноўкі праграмы ён ужо пагаварыў з трыма людзьмі. Хтосьці з Турцыі сказаў «Прывітанне» і кінуў трубку, яшчэ адзін чалавек не сказаў наогул нічога, а з тэхасцам яны выдатна пагаманілі.
З Паліванавым яны абмеркавалі, якое надвор'е ў Карлстадзе («Звычайна сонечна, але сёння дажджліва») і адкуль Паліванаў ведае шведскую («вучыўся ў Швецыі, але ў Карлстадзе ніколі не быў»). Даніэль таксама распавёў, што Карлстад знаходзіцца на беразе возера і там вельмі прыгожа.
Уласны нумар у Швецыі з'явіўся 6 красавіка. На яго ўжо патэлефанавалі больш за чатыры з паловай тысяч чалавек, а працягласць размоў перавысіла сем гадзін. Тэлефанаваць можна і без ведання шведскай, жыхары краіны выдатна гавораць па-англійску.
Запуск кампаніі, накіраванай на развіццё турызму, прымеркавалі да 250-й гадавіны скасавання цэнзуры ў краіне.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары