Дзяржаўны мытны камітэт рэкамендуе дэклараваць дарагія рэчы пры выездзе з Беларусі, паведаміў сёння журналістам намеснік старшыні ДМК Уладзімір Арлоўскі.
«Парада грамадзянам: калі вывозіцца нешта дарагое, лепш яго задэклараваць», — адзначыў Уладзімір Арлоўскі.
Паводле яго слоў, калі грамадзянін вывозіць з Беларусі былы ва ўжыванні тавар коштам больш за 1,5 тыс. еўра або вагой звыш за 50 кг, то пры выездзе яго неабходна задэклараваць. «На зваротным уездзе, колькі б ваша апаратура ні каштавала, калі ў вас будзе дэкларацыя, такі тавар мы прапусцім без пошліны», — растлумачыў намеснік старшыні ДМК. Калі ж будзе ісці гаворка аб увозе незадэклараванай дарагой апаратуры, то ў мытнікаў узнікнуць пытанні.
Пры гэтым Уладзімір Арлоўскі падкрэсліў, што падыходы да ацэнкі новых і былых ва ўжыванні тавараў не змяніліся. Ён нагадаў, што абмежаванні, якія ўводзяцца ўказам №40, не распаўсюджваюцца на былыя ва ўжыванні тавары, якія ўвозяцца назад у нязменным стане (акрамя натуральнага зносу) пасля вывазу, калі іх кошт не перавышае 1,5 тыс. еўра і агульная вага не больш за 50 кг.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары