Кіраўнік штаба «атамана» Улаховіча сустрэнецца з папам Францішкам і абмяркуе сірыйскіх бежанцаў ды аднаполыя шлюбы
Папа Францішак запрасіў у Ватыкан 50 ліквідатараў з Беларусі, Украіны і Японіі. Сустрэча адбудзецца 20 красавіка.
Сярод удзельнікаў сустрэчы будзе Міхаіл Вобразаў, кіраўнік выбарчага штаба «атамана» Мікалая Улаховіча падчас прэзідэнцкай кампаніі 2015 года.
Вобразаў — кіраўнік мінскага грамадскага фонду «26 красавіка». Ён працаваў у Белгідраметэаслужбе, а пасля Чарнобылю разам з калегамі лятаў па засыпаных радыёнуклідамі вёсках і збіраў пробы.
На сустрэчу з Папам Вобразаў вязе ў Ватыкан старую — з 1986 года — карту радыяцыйнага забруджвання Беларусі і два гліняныя званочкі з сімволікай свайго фонду.
Што ён збіраецца сказаць на сустрэчы з Францішкам?
«Калі б была магчымасць, я б сказаў наступнае: па-першае, вялікі дзякуй і нізкі паклон за тое, што ліквідатараў памятаюць. А другое, я хацеў бы сказаць пра тое, што і мы, простыя людзі, і патрыярхі павінны зрабіць усё, каб нас не захліснуў духоўны Чарнобыль, які, на жаль, нас захліствае», — прызнаўся Вобразаў.
Ён не разумее, чаму маладыя сірыйцы бягуць са сваёй краіны ў Еўропу замест таго, каб абараняць радзіму, не разумее аднаполых шлюбаў і спробаў «перапісаць гісторыю».
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары