У Мінскай вобласці дні апошніх званкоў і выпускных вечароў аб'яўленыя Днямі цвярозасці
У Мінскай вобласці 30 мая, 11 і 12 чэрвеня па ініцыятыве міліцыі прынята рашэнне аб абмежаванні рэалізацыі алкагольных напояў на ўсіх без выключэння аб'ектах рознічнага гандлю.
Як паведаміў часова выконваючы абавязкі начальніка ўпраўлення аховы правапарадку і прафілактыкі УУС Мінскага аблвыканкама Андрэй Амбражэй, рашэнне прынята ў мэтах недапушчэння надзвычайных здарэнняў пры правядзенні мерапрыемстваў, у якіх возьме ўдзел больш за 20 тыс. школьнікаў.
Пад узмоцнены кантроль будуць узятыя месцы, у першую чаргу зоны адпачынку, куды выпускнікі плануюць прыбыць са школ пасля ўрачыстых мерапрыемстваў, у тым ліку са сталічных устаноў адукацыі.
У 2015 годзе пры правядзенні аналагічных мерапрыемстваў супрацоўнікамі міліцыі і педагогамі за здзяйсненне адміністрацыйных правапарушэнняў было затрымана больш за 20 непаўналетніх, большасць — за ўжыванне алкагольных напояў, а таксама знаходжанне ў начны час у грамадскіх месцах без суправаджэння дарослых асоб.
Некалькі нядобрасумленных прадаўцоў былі прыцягнутыя да адказнасці за гандаль спіртным падчас прыняцця абмежавальных мер.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары