ЮНЕСКА прызнала піваварнае мастацтва Бельгіі часткай нематэрыяльнай культурнай спадчыны чалавецтва, паведамляе «ЕўраПраўда» са спасылкай на De Standaard.
Паведамляецца, што па рашэнні ЮНЕСКА «піўная культура ў Бельгіі заслугоўвае таго, каб быць занесенай у спіс шэдэўраў вуснай і нематэрыяльнай спадчыны чалавецтва».
«Бельгія стала чэмпіёнам свету па піўной культуры. Гэта вельмі прыемная ўзнагарода для ўсіх, хто займаецца півам у нашай краіне», — так пракаментавалі гэтую падзею міністры культуры супольнасцяў Бельгіі.
«Прызнанне ЮНЕСКА з'яўляецца важным маральным стымулам для піўной культуры ў нашай краіне і ўзнагародай для ўсіх тых, хто імкнецца захаваць гэтую багатую культуру», — гаворыцца ў прэс-рэлізе міністраў культуры ўсіх супольнасцяў Бельгіі.
Вядома, што нямецкая супольнасць Бельгіі падала адпаведную заяўку ад імя Бельгіі ў ЮНЕСКА яшчэ ў красавіку 2014 года.
Варта дадаць, што ў Бельгіі налічваецца каля 1500 гатункаў піва і больш за ўсё ў свеце гатункаў мясцовага традыцыйнага піва.
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?2
Каментары