Кіраўнік Меджліса крымскататарскага народа Рэфат Чубараў паведаміў у фэйсбуку, што супрацоўнікі спецслужб, а таксама міграцыйнай службы Беларусі праводзяць актыўнае апытанне крымскіх татар. Пры гэтым асаблівую цікавасць прадстаўнікі спецслужб Беларусі праяўляюць да мусульман, якія маюць сваякоў у Адэскай і Херсонскай абласцях, а таксама ў Кіеве.
Афіцыйна гэта называюць «вывучэннем міграцыйных патокаў, роднасных сувязей, узроўню рэлігійнага і нацыянальнага суадносін у індывідуальнай і калектыўнай ментальнасці мусульманскіх дыяспар».
Сярод пытанняў:
- «Ці паедзеце ў Кіеў на Дзень незалежнасці Украіны?»
- «Ці наведваеце наогул Украіну на святы?»
- «Наколькі часта вы святкуеце ўкраінскія святы і ці не супярэчыць гэта Карану?»
- «Ці падтрымліваеце вы абвяшчэнне Новааляксееўкі (Херсонская вобласць) сталіцай крымскататарскай аўтаноміі ва Украіне?»
Чубараў не выключае, што такая зацікаўленасць магла быць заданнем з Расіі.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай7
Каментары