Выйсце экс‑кіраўнік Нацбанка бачыць у «плаўнай дэвальвацыі» беларускай нацыянальнай валюты на 20‑30% на працягу 2009 года.
Беларусь стаіць на мяжы страты сваіх золатавалютных рэзерваў, заявіў былы старшыня праўлення Нацыянальнага банка Станіслаў Багданкевіч 11 снежня на прэс‑канферэнцыі ў Мінску.
«Сёння рэзервы ў нас толькі 3 млрд. долараў. Мы 1 млрд. долараў «з’елі» літаральна за апошні месяц», — заявіў экс‑кіраўнік Нацбанка.
На яго думку, калі золатавалютныя запасы будуць скарачацца такімі тэмпамі, то хутка іх у краіны наогул не застанецца.
Выйсце з наяўнай сітуацыі экс‑кіраўнік Нацбанка бачыць у «плаўнай дэвальвацыі» беларускай нацыянальнай валюты на 20‑30% на працягу 2009 года, а таксама ў вырашэнні праблемы дэфіцыту гандлёвага балансу.
С.Багданкевіч лічыць, што банкаўская сістэма Беларусі сёння нагадвае «бурбалку, якая можа лопнуць».
Згодна са звесткамі Нацбанка, міжнародныя рэзервовыя актывы Беларусі, разлічаныя па стандартах МВФ, на 1 снежня 2008 года склалі 3 млрд. 775 млн. долараў ЗША, скараціўшыся за лістапад на 276,8 млн. долараў. Аднак
Нацбанк не раскрывае інфармацыю, ці ўключаны ў гэтую статыстыку 1 млрд. долараў атрыманага ў лістападзе расійскага крэдыту. Калі ён таксама адлюстраваны ў гэтых звестках, то скарачэнне золатавалютных запасаў краіны за лістапад склала 1 млрд. 276 млн. долараў.
Скарачэнне золатавалютных рэзерваў Беларусі адзначаецца на працягу чатырох месяцаў — на 68,1 млн. долараў ЗША ў кастрычніку, на 459,7 млн. долараў у верасні і на 44,6 млн. долараў у жніўні.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары