«У мяне месячныя»: брэнд Ku пачаў вырабляць майкі з правакацыйнымі выказваннямі па-беларуску
У інстаграме з'явіўся новы брэнд адзення пад назвай «Ku | Майкі з вышыўкай».
Адметныя гэтыя футболкі тым, што словы на іх вышываюцца па-беларуску. Пакуль у наяўнасці брэнда — майкі з фемінітывамі (у дадзеным выпадку — з назвамі прафесій ў жаночым родзе), а таксама вышыўка беларускіх мацюкоў і такіх фраз як, напрыклад: «У мяне месячныя».
Стваральніцы «Ku» пакуль хаваюць свае імёны ў сакрэце, запрашаючы звяртаць увагу не на іх асобу, а на прапанову.
«Майкі з фемінітывамі ў нейкі момант сталі вельмі папулярнымі ва Украіне. Нам хочацца, каб і ў нашых дзяўчат была магчымасць з гонарам насіць свае прафесіі пад сэрцам у жаночым родзе. Абавязкова на роднай мове. Акрамя таго, мы супраць тэм-табу накшталт сэксу ці функцыянавання арганізма, таму запрашаем усіх свабодных жанчын смела насіць на сабе майкі з фразай «У мяне месячныя» ў тыя самыя дні, каб зняць усе непатрэбныя пытанні пра ваш стан і настрой».
Словы на майках вышываюцца на машынцы, але ў хатніх умовах, таму, кажуць прадстаўнікі «Ku», усё робіцца «крафтава і з любоўю».
Нагадаем, у верасні беларуская крама сувеніраў «Ёгуртны торт» прэзентавала аўтарскую серыю прынтоў для футболак, а таксама кепкі пад назвай «Фемінізм». Але за сэксізм іх жорстка раскрытыкавала грамадскасць, і футболкі так і не пабачылі свет.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі16
Каментары