Прарасійскія кандыдаты не прайшлі ў другі тур прэзідэнцкіх выбараў у Славаччыне. Шанцы на перамогу мае харызматычная лібералка
У другі тур выбараў у Славаччыне выйшлі адвакатка і грамадская дзеячка Зузана Чапутова і намеснік кіраўніка Еўракамісіі Мараш Шэфчавіч. Лібералка Чапутова набірае 41 % галасоў. Сацыял-дэмакрат Шэфчавіч сабраў 19 %.
Былы кіраўнік Вярхоўнага суда, русін па паходжанні Штэфан Гарабін набраў 14 %. Ультранацыяналіст Марыян Котлеба — 10 %. Гэтых лічаць прарасійскімі палітыкамі, яны ішлі на выбары з антыеўрапейскай рыторыкай.
Праз два тыдні, 30 сакавіка, у Славаччыне адбудзецца другі тур выбараў.
Прэзідэнт у Славаччыне мае пераважна цырыманіяльныя функцыі, але абіраецца ўсеагульным галасаваннем.
Славаччына — 5-мільённая славянская краіна, што далучылася да НАТО пазней за сваіх суседзяў з Венгрыі, Чэхіі і Польшчы, бо спачатку ў ёй існаваў аўтарытарны рэжым. Славаччына зрабіла вялікі рывок у сваім эканамічным развіцці пасля далучэння да ЕС.
46-гадовая Чапутова — намесніца старшыні леваліберальнай партыі «Прагрэсіўная Славаччына». Яна ў разводзе, гадуе дваіх дзяцей. Яе апанент, дасведчаны, але не харызматычны кар'ерны дыпламат з вялікай практыкай працы ў Брусэлі, быў вылучаны ад сацыял-дэмакратычнай па эканамічнай пазіцыі, але кансерватыўнай у плане традыцый партыі «Шлях». Чапутова зрабіла сабе імя як удзельніца кампаній у абарону навакольнага асяроддзя.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары