На некаторых вуліцах у Мінску летам перастануць адключаць гарачую ваду. Ці ёсць вы сярод шчасліўчыкаў?
На некалькіх вуліцах у Савецкім раёне Мінска пасля замены цепласетак перастануць адключаць гарачую ваду летам. Пра гэта паведамляе агенцтва «Мінск-Навіны».
Да планавай замены цепласетак прыступілі ў Савецкім раёне ў межах вуліц Платонава — Чырваназорная — Залатая Горка — Гікалы. У чэрвені рэканструкцыю весці не будуць, потым адновяць і завершаць да пачатку ацяпляльнага сезона, паведамілі ў адміністрацыі Савецкага раёна.
Нязручнасці, якія прыйдзецца перажыць жыхарам квартала, кампенсуюцца добрай навіной.
— Мінскія цеплавыя сеткі праінфармавалі: пасля рэканструкцыі жылыя дамы на гэтай тэрыторыі больш не будуць адключаць летам ад гарачага водазабеспячэння, - расказала першы намеснік кіраўніка адміністрацыі Савецкага раёна Ала Санкоўская.
У цэлым жа ў Мінску пачнуць адключаць гарачую ваду з 13 мая.
Каментары