Германія прыпыніла імпарт расійскай нафты па магістральным трубаправодзе «Дружба» з-за нізкай якасці нафты. Пра гэта паведамляе Reuters. Крыніцы агенцтва таксама распавялі, што прапампоўку прыпыніла і Чэхія. Тым часам па паведамленнях расійскіх СМІ, у Маскве сёння пройдуць перамовы ўрада Расіі з прадстаўнікамі Беларусі з нагоды бягучай сітуацыі, піша Tut.by
Спыненне прыёму расійскай нафты па трубаправодзе «Дружба» можа прывесці да таго, што нафтаперапрацоўчыя заводы, якія належаць польскім PKN Orlen і Grupa Lotos, а таксама нямецкія заводы, якія належаць Total, Shell, Eni і Раснафта, будуць працаваць на наяўных запасах нафты.
Прыпыненне паставак нафты можа прывесці да таго, што заходнія пакупнікі выставяць пазовы расійскім пастаўшчыкам, якія ў сваю чаргу запатрабуюць кампенсацыі у «Транснафты», піша агенцтва.
Reuters са спасылкай на дзве свае крыніцы таксама паведамляе, што Чэхія таксама спыніла прыём расійскай нафты.
Агенцтва ТАСС у сваю чаргу паведамляе са спасылкай на крыніцу ў беларускай нафтахімічнай галіне, што «Гомельтранснафта Дружба» працягвае транзіт для заводаў Чэхіі, Славакіі і Венгрыі праз тэрыторыю Украіны, і ў хуткім часе павінна рушыць рэакцыя ўкраінскага аператара магістральнага нафтаправоду. Пры гэтым крыніца дала зразумець, што гаворка можа ісці аб прыпыненні прапампоўкі.
Напярэдадні аператар польскага ўчастка трубаправода «Дружба» - кампанія PERN S.A., заявіў аб тым, што спыняе прыём расійскай нафты.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося33
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары