Hiermanija prypyniła impart rasijskaj nafty pa mahistralnym trubapravodzie «Družba» z-za nizkaj jakaści nafty. Pra heta paviedamlaje Reuters. Krynicy ahienctva taksama raspaviali, što prapampoŭku prypyniła i Čechija. Tym časam pa paviedamleńniach rasijskich ŚMI, u Maskvie siońnia projduć pieramovy ŭrada Rasii z pradstaŭnikami Biełarusi z nahody biahučaj situacyi, piša Tut.by
Spynieńnie pryjomu rasijskaj nafty pa trubapravodzie «Družba» moža pryvieści da taho, što naftapierapracoŭčyja zavody, jakija naležać polskim PKN Orlen i Grupa Lotos, a taksama niamieckija zavody, jakija naležać Total, Shell, Eni i Rasnafta, buduć pracavać na najaŭnych zapasach nafty.
Prypynieńnie pastavak nafty moža pryvieści da taho, što zachodnija pakupniki vystaviać pazovy rasijskim pastaŭščykam, jakija ŭ svaju čarhu zapatrabujuć kampiensacyi u «Transnafty», piša ahienctva.
Reuters sa spasyłkaj na dźvie svaje krynicy taksama paviedamlaje, što Čechija taksama spyniła pryjom rasijskaj nafty.
Ahienctva TASS u svaju čarhu paviedamlaje sa spasyłkaj na krynicu ŭ biełaruskaj naftachimičnaj halinie, što «Homieltransnafta Družba» praciahvaje tranzit dla zavodaŭ Čechii, Słavakii i Vienhryi praz terytoryju Ukrainy, i ŭ chutkim časie pavinna rušyć reakcyja ŭkrainskaha apieratara mahistralnaha naftapravodu. Pry hetym krynica dała zrazumieć, što havorka moža iści ab prypynieńni prapampoŭki.
Napiaredadni apieratar polskaha ŭčastka trubapravoda «Družba» - kampanija PERN S.A., zajaviŭ ab tym, što spyniaje pryjom rasijskaj nafty.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary