22-гадовы жыхар Лунінца пайшоў у госці і з балкона расстраляў з пнеўматыкі аўтамабілі, прыпаркаваныя побач з домам, паведамляе міліцыя.
Пасля сумеснага распіцця алкаголю з сябрамі зламыснік выйшаў на балкон і пачаў страляць з пнеўматычнага пісталета ў сцены суседняга дома і ў прыпаркаваныя на стаянцы каля дома аўтамабілі, прычыніўшы шкоду на агульную суму 740 рублёў.
Мужчына купіў пісталет яшчэ ў 2016 годзе праз інтэрнэт, а ў госці прыйшоў з ім, бо хацеў пахваліцца пакупкай перад таварышамі. Жыхара Лунінца затрымалі.
Каментары