У Пецярбургу загінуў блогер з Оршы, у якога было 580 тысяч падпісчыкаў на Ютубе
У расійскім Санкт-Пецярбургу загінуў 40-гадовы блогер Павел Ш. з Оршы, аўтар відэаканала Road to film.
Як паведамляе тэлеграм-канал Mash, ён здымаў чарговы ролік на набярэжнай ракі Карпаўкі. Разам з дзвюма камерамі і дыгерам Аляксеем К. ён спускаўся ў каналізацыйны калектар глыбінёй каля 5 метраў.
У 4 раніцы яны перасталі выходзіць на сувязь, і іх сябры выклікалі ратавальнікаў.
І Паўла, і Аляксея знайшлі на дне калектара. Паводле папярэдняй версіі, блогер упаў з вышыні. Дыгеру, відаць, не хапіла кіслароду.
Ютуб-канал Road to film меў 580 тысяч падпісантаў. У свой час Павел стаў другім беларусам, які займеў статус «срэбная кнопка Ютуба».
Самае папулярнае відэа Паўла, пра падземную Маскву, сабрала 4,5 мільёна праглядаў.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары