«Афіцэры Расіі» знайшлі віну відэагульняў у забойстве салдат у Забайкаллі
Кіраўнік грамадскай ветэранскай арганізацыі «Афіцэры Расіі» Сяргей Ліпавы назваў жорсткія відэагульні адказнымі за расстрэл васьмі салдат тэрміновай службы ў Забайкальскім краі, піша «Коммерсантъ».
Ліпавы выказаў меркаванне, што Раміль Шамсутдзінаў свядома і мэтанакіравана забіў васьмярых таварышаў па службе. Ён заявіў, што ў салдата «змяшалася камп'ютарная рэальнасць з жыццёвай».
Кіраўніца «Камітэта салдацкіх маці» Флера Саліхава ў сваю чаргу прызнала існаванне дзедаўшчыны ў войску, але на яе думку як правіла гэта выкарыстоўваецца для вымагальніцтва матэрыяльных каштоўнасцяў. На яе думку, у астатнім, у расійскім войску добрыя ўмовы. Таксама Саліхава заклікала закрыць інтэрнэт.
25 кастрычніка ў Забайкальскім краі (Расія) салдат Раміль Шамсутдзінаў забіў 8 таварышаў па службе.
Каментары