Нават са сцягам дэсантнікаў. У Беластоку прайшоў Ланцуг салідарнасці ВІДЭА
Арышт галоўных канкурэнтаў Аляксандра Лукашэнкі на гэтых выбарах — Сяргея Ціханоўскага і Віктара Бабарыкі, а таксама масавыя парушэнні свабоды сходу і слова ў Беларусі выклікалі беспрэцэдэнтную хвалю салідарнасці.
Шматлюдныя акцыі падтрымкі сабралі беларусаў у Варшаве, Берліне, Вільні, Нью-Ёрку, Лос-Анджэлесе і нават на Кіпры, Ізміры (Турцыя), у Барселоне і Малазе, дзе ніколі раней беларусы не арганізоўвалі палітычных акцый.
Прайшоў Ланцуг салідарнасці ў Беластоку, дзе жывуць беларусы Падляшша, а таксама працуюць шматлікія грамадзяне Беларусі, якія не маюць працы за мяжой.
Беларусы Беластока выцягнуліся ў ланцуг у знак салідарнасці з затрыманымі ўдзельнікамі пікетаў па зборы подпісаў за альтэрнатыўных кандыдатаў. Удзельнікі прыйшлі з самаробнымі плакатамі супраць Лукашэнкі, а адзін хлопец прыйшоў у цяльняшцы і са сцягам Сіл мабільных аперацый.
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?2
Каментары