Гэта выявіў аўдыт Нацбанку краіны, праведзены на патрабаванне МВФ.
Гэта выявіў аўдыт Нацбанку краіны, праведзены на патрабаванне МВФ.
Былы кіраўнік Цэнтрабанку Таджыкістану перавёў больш чым $850 мільёнаў на рахунак кампаніі, якой кіраваў ён сам і ягоныя сямейнікі. Гэта выявіў незалежны аўдыт. Інфармацыя пра яго вынікі з'явілася на сайце банку 13 красавіка.
Вынікі аўдытарскай праверкі кампаніяй Ernst & Young паказалі, што Мурадалі Алімардонаў з 1996 да 2008 гадоў перавёў $856 млн на рахунак інвестыцыйнай кампаніі «Крэдытінвест».
Яшчэ $221,5 млн былі вылучаныя на фінансаванне баваўнянай прамысловасці з 2004 да 2007 гадоў і зніклі ў невядомым кірунку.
Гэта гіганцкія сумы для адной з найбяднейшых краінаў свету, ВУП якой у 15 разоў меншы за беларускі. Цяжка паверыць, каб такія астранамічныя сумы знікалі бяз ведама непатапляльнага прэзідэнта краіны, Эмамалі Рахмонава і ягоных сілавікоў.
Справа пачалася з таго, што ў летась Міжнародны валютны фонд запатрабаваў сплаты $47 млн запазычанасцяў, западозрыўшы фальсіфікацыю таджыцкімі ўладамі звестак пра стан золатавалютных рэзерваў краіны.
Пасля звальнення з Цэнтрабанку Алімардонаў працаваў віцэ-прэм'ерам па сельскай гаспадарцы.
Таджыцкія ўлады пагадзіліся на незалежны аўдыт Цэнтрабанку і іншых буйных дзяржаўных прадпрыемстваў пад ціскам МВФ, ад крэдытаў якога яны залежаць. Аднак Ernst & Young заявіў, што многія дакументы былі знішчаныя напярэдадні аўдыту.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны32
Каментары