Ціму Беларускіх злавілі ў Мінску з наркотыкамі і вызвалілі пад заставу
29 студзеня расейскія СМІ паведамілі, што папулярны спявак Ціма Беларускіх знаходзіцца ў Мінску пад хатнім арыштам — нібыта ў яго знайшлі 2 кілаграмы гашышу! Сам Ціма гэта абверг. Дзе праўда?
Уначы 6 студзеня ў адным з гульнявых клубаў Мінска затрымалі папулярнага спевака Ціму Беларускіх (сапраўднае прозвішча Марозаў). Пры вобшуку ў яго знайшлі 0,4 грама гашышу, паведамляе «Анлайнер».
У дачыненні да выканаўцы хітоў «Незабудка» і «Мокрыя кросы» завялі крымінальную справу па частцы 1 артыкула 328 Крымінальнага кодэкса. А яго адпусцілі пад заставу.
За захоўванне наркотыкаў у Беларусі могуць пакараць тэрмінам да 5 гадоў (калі вельмі пашанцуе, то умоўна ці з адтэрміноўкай). Але дастаткова хоць аднаму з сяброў даць паказанні, што ён набываў наркотыкі ў спевака, — і гэта ўжо частка 3, распаўсюд. Пакаранне — да 15 гадоў калоніі.
Расійскія СМІ першапачаткова паведамлялі, што артыст трымаў дома 2 кілаграмы гашышу, гэта інфармацыя не пацвердзілася.
Сам спявак тым часам выклаў вясёлае відэа, расказваючы, што ў яго ўсё добра.
Але ж Белдзяржтэлерадыёкампанія адказала на гэта, апублікаваўшы фота спевака з міліцыі.
У СК пракаментавалі гісторыю з Цімам Беларускіх
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары