19 ліпеня каля в. Чырвонае Львоўскай вобласці прайшлі ўрачыстасці з нагоды 65‑й гадавіны баёў калабарацыйнага фармавання з Чырвонай Арміяй.
19 ліпеня каля в. Чырвонае Львоўскай вобласці прайшлі ўрачыстасці з нагоды 65‑й гадавіны баёў дывізіі СС «Галіччына».
Таксама была праведзена рэканструкцыя баёў падчас вайны на месцы г.зв. «Бродаўскага катла».
Удзельнікі ўрачыстасцяў правялі цырымонію перапахавання байцоў «Галічыны». Былі прысутныя і ветэраны дывізіі.
З пачаткам ліпеня 1944 г., калі нямецкія часткі ледзь стрымлівалі прасоўванне савецкіх войскаў, пад Броды перакінулі Украінскую дывізію СС «Галіччына».
Сфармаваная ў 1943 г. з украінцаў‑галічан, дывізія заняла найбольш небяспечны участак фронту ў тым раёне. Падчас баёў «Галіччына» і восем нямецкіх дывізій трапілі ў атачэнне, г.зв. «Бродаўскі кацёл». Толькі чацвёртай частцы байцоў удалося вырвацца з атачэння.
Украінскія нацыяналісты разглядаюць дывізію як вымушаную форму змагання за незалежнасць Украіны ва ўмовах, калі краіна апынулася між молатам і кавадлам. Для саветаў фармаванне было сімвалам калабарацыі Арганізацыі ўкраінскіх нацыяналістаў з нацыстамі.
Дывізія ў канцы вайны здалася саюзнікам, яе байцоў разглядалі як ваеннапалонных, а не як ваенных злачынцаў. Ваякі «Галіччыны» склалі ядро ўкраінскай палітычнай эміграцыі пасля вайны.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары