«Былі прэтэнзіі да таго, што дэпутаты мала працуюць». Парламент хочуць перавесці на адну сесію ў год. Навошта?
Беларускі парламент плануе перайсці на адну сесію ў год. Па словах Наталлі Качанавай, дэпутаты павінны працаваць практычна ўвесь год — з верасня па чэрвень. Цяпер у іх дзве сесіі на год, паміж якімі тры месяцы перапынку. Але што дадуць гэтыя змены?
«У свой час былі прэтэнзіі да таго, што дэпутаты мала працуюць: чаму сесія толькі з кастрычніка да Новага года і толькі ў красавіку пачынаецца другая сесія? Такім чынам магчыма, што прыняцце гэтага рашэння — адказ на тыя прэтэнзіі, якія былі да парламента ў папярэднія гады з боку грамадскасці.
Гіпатэтычна гэта больш прадукцыйная праца дэпутатаў і сканцэнтраванасць на законапраектнай дзейнасці», — разважае Алена Анісім, якая раней была дэпутаткай.
У перапынках паміж сесіямі дэпутаты выязджаюць у акругі і працуюць у камісіях ці на сустрэчах.
«Гэта не значыць, што раз сесіі няма, дэпутаты дома могуць пасядзець. Працоўны дзень быў як і належыць — з 9 да 18. Адпачынак быў строга па графіку, вызначаны заканадаўствам тэрмін — 28 дзён і не больш».
Заробак дэпутата ва ўсе месяцы аднолькавы — няважна, ёсць сесія ці не.
Ці магчыма, што новы графік хочуць увесці, бо зменаў у законы і новых актаў стала больш?
«Магчыма, сутыкнуліся з тым, што ідзе ўніфікацыя праграм дзяржаў, якія ўваходзяць у Мытны і Еўразійскі эканамічны саюз», — мяркуе Алена Анісім.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны29
Каментары