Міністр абароны Украіны назваў эвакуацыю людзей з Данбаса пастаноўкай
Паводле словаў Аляксея Рэзнікава, масавая эвакуацыя людзей з часова акупаваных тэрыторый — гэта фарс і пастаноўка. Ён паведаміў, што баевікі паказальна вывезлі некалькі тысяч чалавек.
«Цяпер наша разведка мае дакладную інфармацыю, што людзі вяртаюцца самастойна дадому. Іх там ніхто не корміць, не рассяляе. Гэта чыста пастаноўка для «Масфільма» або хто ў іх там займаецца кіношкамі», — сказаў Рэзнікаў у эфіры канала «1+1».
Таксама, на думку міністра, размовы аб тым, што поўнамаштабны напад Расіі на Украіну можа пачацца «заўтра-паслязаўтра», з'яўляюцца недарэчнымі.
«Па стане на гэты час ударнай групоўкі Расійскай Федэрацыі ні ў адным месцы, дзе яны ачапілі Украіну, пакуль не сфармавана. Але гэта не значыць, што нізкія рызыкі, гэта не значыць, што няма пагрозы», — сказаў Рэзнікаў.
Чытайце таксама:
Жыхар Данецка: «Ды ніхто тут не эвакуіруецца. Толькі карцінку паказваюць
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары