Камандзір марыупальскіх марпехаў просіць сусветных лідараў пра эвакуацыю ў «трэцюю» краіну
Сяргей Валына заклікаў лідараў ЗША, Турцыі, Вялікабрытаніі і Украіны ўратаваць байцоў і мірных жыхароў, якія застаюцца з імі на тэрыторыі завода «Азоўсталь».
Сяргей Валына, камандзір 36-й брыгады марской пяхоты, якая разам з байцамі полка «Азоў» абараняе Марыупаль, заклікаў лідараў ЗША, Турцыі, Вялікабрытаніі і Украіны ўратаваць байцоў і мірных жыхароў, якія застаюцца з імі на тэрыторыіі завода «Азоўсталь».
«Гэта можа быць нашым апошнім зваротам. У нас, магчыма, засталіся лічаныя дні або гадзіны», — сказаў Валына ў відэазвароце.
Па яго словах, акрамя байцоў, на «Азоўсталі» знаходзяцца каля 500 параненых і сотні мірных грамадзян, сярод якіх жанчыны і дзеці.
Камандзір просіць сусветных лідараў дамагчыся іх эвакуацыі ў «трэцюю» краіну.
Каментары