І калонія, і штраф: вынікі суда за абразу прэзідэнта, генпракурора і старшыні ЦВК
Суд Першамайскага раёна Мінска 16 чэрвеня вынес прысуд Аляксею Вялешку, які абвінавачваўся ў абразе прадстаўніка ўлады (арт. 369) і абразе прэзідэнта (ч.1 арт. 368 Крымінальнага кодэкса).
Справу разглядаў суддзя Аляксандр Сяргей, паведамляе «Вясна».
Аляксей Вялешка — ураджэнец Салігорска, скончыў факультэт прыкладной матэматыкі БДУ.
Па матэрыялах следства, Вялешка з красавіка па жнівень 2021 года размясціў у інтэрнэце абразлівыя каментарыі на адрас Лукашэнкі, а таксама старшыні Цэнтрвыбаркама і генеральнага пракурора ў сувязі з выкананнем імі службовых абавязкаў. Экспертыза выявіла ў каментарыях «ненарматыўную форму маўленчага выказвання».
Сваю віну мінчанін прызнаў у поўным аб'ёме. Паказаў, што здзейсніў супрацьпраўныя дзеянні пад уплывам эмоцый і пасля чытання інфармацыі ў дэструктыўных Telegram-каналах.
Абвінавачаны кампенсаваў заяўлены генпракурорам Андрээм Шведам грамадзянскі іск аб матэрыяльным пакрыцці маральнай шкоды ў памеры 10 тысяч рублёў.
Суд прызнаў Вялешку вінаватым і прызначыў пакаранне ў выглядзе пазбаўлення волі ў калоніі агульнага рэжыму тэрмінам на два гады і штрафу ў памеры 3200 рублёў (100 б.в.).
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары